Məlumat

CV formasi necə hazırlanmalıdır? Hazır CV formalari

İş tapmaq üçün ilk addım peşəkar şəkildə hazırlanmış bir CV formasidır. Birlikdə,CV nümunələri ilə faydalı bir CV formasi hazırlayaq. CV formalarinin strukturu təxminən eyni olsa da, müraciət etdiyiniz vakansiyaya uyğun olaraq, onu hər zaman yeniləməlisiz.

Bu  məqaləmdə sizə 2020-ci ildə necə effektli bir CV formasi hazırlamaq lazım olduğunu izah etməyə çalışacam.

CV-nizi uğurlarınızın siyahısı deyil, sizi reklam edən bir vasitə kimi görmək lazımdır.

CV formasi sizin peşəkar keçmişinizi, nailiyyət, bacarıqlarınızı əhatə etməlidir. Həmçinin CV, sizin müraciət etdiyiniz iş üçün ən yaxşı namizəd olduğunuzu sübut etməlidir.

CV formasinin məzmunu ad, soyad, əlaqə məlumatları, təhsil məlumatları, iş təcrübəsi, arayışlar, xüsusi zövqlər kimi mövzuların xülasəsindən ibarətdir. Bir işə müraciət etməzdən əvvəl özünüzü tanıtmaq üçün düzgün hazırlanmış bir CV formasi təqdim etməlisiniz. CV formasi dəqiq, aydın və qısa olmalıdır, buna görə diqqətli olun. CV-dəki iş və təcrübələr barədə fikirlərinizi yazmalısınız.

Effektiv CV formasi hazırlamaq üçün aşağıdakıları etməlisiniz:

cv formasi nece yazilmalidir

 

  • A4 kağızında yazmalısınız.
  • CV formasinin maksimum 2 səhifəsi olmalıdır. (Akademik CV formasi daha uzun ola bilər.)
  • Uzun bəndlərdən çəkinməlisiniz.
  • Birinci və ya üçüncü şəxsin adından yazmalısınız.
  • CV formasini doldurarkən “Times New Roman” və ya “Arial” kimi asan oxunan fontlardan istifadə etməli və 11 və ya 12 şrift böyüklüyündə yazmalısınız.
  • Söz və cümlələrin altından xətt çəkməməlisiniz. (İnternet ünvanları xaric)
  • Orfoqrafiya qaydalara diqqət yetirməlisiniz.
  • Müraciət etdiyiniz vəzifəyə uyğun bir motivasiya məktubu hazırlamalısınız. Ümumi bir müraciət edirsinizsə, hansı sahədə işləmək istədiyinizi motivasiya məktubunda göstərməlisiniz.
  • CV formasında əks xronoloji sıraya əməl etməlisiniz.
  • Gərəksiz məlumatlar əlavə etməkdən çəkinin.
  • Kostyumlarda çəkilmiş fotoları əlavə etməlisiniz.
  • Solğun, bulanıq, qarışıq arxaplan şəkilləri əlavə etməməlisiniz.

Karyera Məqsədi

  • CV formasinda müraciət etdiyiniz vəzifəyə uyğun xüsusiyyətlərinizi təsvir edə biləcəyiniz çox qısa bir abzas yazmalı, özünüzü tanıtdığınız və tətbiq məqsədinizi göstərməlisiniz.

Şəxsi məlumatlar

  • Adınızı, tam adresinizi, telefon nömrələrinizi və CV formasinin əvvəlində elektron poçt ünvanınızı yazmalısınız.
  • Doğum tarixi, doğum yeri, ailə vəziyyəti kimi məlumatlar yazılmalıdır.
  • Xaricdə iş üçün müraciət edərkən milliyyətinizi yaza bilərsiniz.

Təhsil haqqında məlumat

  • Bitirdiniz proqramları tərs xronoloji qaydada yazmalısınız.
  • Oxuduğunuzda dərəcələrinizi və ya əhəmiyyətli nailiyyətlərinizi və ümumi qiymət orta qiymətlərinizi göstərə bilərsiniz.
  • Yeni məzun olmusunuzsa bu bölüm əvvəldə olmalıdır, amma iş təcrübəniz varsa bu bölməni iş təcrübəsi bölməsi altında yaza bilərsiniz.

İş təcrübəsi

  • İş və təcrübə təcrübənizi tərs xronoloji qaydada yazmalısınız.
  • İşlədiyiniz yerdəki mövqeyinizi bildirərək məsuliyyətlərinizi və ümumiyyətlə gördüyünüz işləri qısaca siyahıya salmalısınız.
  • CV formasinda uğurlarınızı xüsusilə vurğulamalısınız.

Bacarıqlar

  • Bildiyiniz xarici dilləri və kompüter proqramlarını göstərə bilərsiniz.
  • Bir neçə proqram və ya xarici dil bilirsinizsə, bildiyiniz səviyyəyə əlavə edə bilərsiniz.
  • Bunlardan başqa müraciət etdiyiniz vəzifəyə uyğun olaraq yazıla bilən bacarıqlarınızı yaza bilərsiniz.
  • Əgər peşənizlə əlaqəli peşəkar SEO təşkilatlara üzvsünüzsə, onları yazın.
  • Vəzifə üçün tələb olunarsa, əlavə məlumat başlığı altında sürücü sənədinin olduğunu göstərə bilərsiniz.

Təhsillər / Sertifikatlar

  • CV formasi hazırlayarkən iştirak etdiyiniz peşə kursları və təlimlərini və sertifikatlarını müvafiq başlıqlarda göstərə bilərsiniz.

 

Referanslar

  • İki arayış yazıla bilər.
  • Yeni məzun olmusunuzsa, arayışlarınızdan biri müəllimdən, digəri staj üzrə işlədiyiniz menecer ola bilər.
  • Başqa bir seçim, “İstədikdə veriləcək” ifadəsini əlavə etməkdir.
  • Arayışınız yoxdursa, bu bölməni əlavə edə bilməzsiniz.
  • CV formasi hazırlayarkən sizi çox yaxından tanımayan insanlara istinad etməyin və müraciət etdiyiniz insanlarla əvvəlcədən danışın.

 

CV formasi hazırlamaq üçün bu mobil üçün pulsuz proqramı məsləhət görə bilərəm. Bu proqramla professional görünüşə malik CV formalari hazırlaya bilərsiniz. Bu proqramda istədiyiniz zövqdə hazır CV forması tapa bilərsiniz. Bu linkdən yükləyə bilərsiniz.

Buradan CV nümunələrini seçib yükləyə bilərsiniz ===> CV nümunələri.

Bunlardan əlavə CV forması hazırlamaq üçün online alətlərdən də istifadə edə bilərsiniz.

CV formasi hazırlamaq üçün Canva.com saytını məsləhət görə bilərəm.

canva cv formasi

Bunun üçün ilk öncə Canva.com saytına daxil oluruq. Axtarışa Resume yazıb enteri sıxırıq. Axtarış nəticələrindən müraciət edəcəyiniz işə uyğun olan bir CV formasi seçirsiz.

CV formasi seçəndən sonra başlayırsız CV formasina məlumatlarınızı əlavə etməyə. Çox rahat və asandır.

Sonda isə yükləmək yuxarı sağdakı yüklə ikonuna klikləyib CV-nizi PDF formasında yükləyirsiz.

cv formasi 4 cv formasi

Rəy yazın

Back to top button
Close